0901~姊妹.....SORRY!

01-09-2010

不快的事件再度發生, 唔想出現的真的出現, 姊妹.....SORRY!

聽好多人講過話搞結婚事好多時會鬧交, 仲會鬧到唔結婚, 但估唔到這幾天令我煩到發燒的事唔係因為我和CK意見不和所至. 事件拖拖拉拉3個月都未解決, 而最近一個多星期仲要搞到咁大鑊 >.< 雖然我用咗最唔想的方法解決, 但我只想事件可以停下. 我知當中有人會好HURT, 但..... SORRY! 我仲有3個星期就要結婚了, 我唔想我自己事未解好就要煩其他應該唔需要我煩的事.

一而再, 再而三, 我未能忍受
朋友.....對不起!

0831~三度轉變

31-08-2010



事件令我整晚發燒. 未能好好入睡, 只有零碎的3小時睡眠

0823~取消姊妹團?

23-08-2010

Silvia︰有人向我提意big day 唔好要姊妹團喎! 唉~ 

April︰點得嫁..........個個人係唔係你老公~ 哈哈

Silvia︰ 唔係佢

Law ︰有D姊妹幫下手好D wo

Silvia︰完全知道要人幫手

Jenny︰ 唔要姊妹團就唔得, 不如換人啦~ 咁我諗你會冇咁煩囉~ 我第一個報名唔做呀~ 咁我可以安心睇女~

Irene︰ 唔要既原因係咩?

Lily ︰ 斷估都係d女人同女人嘅小風波?_?

Raymond ︰ 要唔要或要乜幫手人名單，由你倆公婆決定啦！要記住：呢個婚宴你同CK先係主角，朋友只係盡量迎合你意思去幫忙你！唔通我提意唔要"姊妹團"要"辣舞團"，你又會去改咩

Joyance︰ 但呢一日唔多唔少都要有人幫你跟頭跟尾. 唔要姊妹唔通搵你老公幫你咩! 唔好理咁多, 到時最緊要你個schedule順順利利.

0818~「對號入座」

18-08-2010

我講笑的唔係佢哋3個, 但佢哋係要自己「對號入座」, 我無話可說囉!

某人... 你識我咁耐都應該知我唔係咁ga人, 但你都咁諗我, 我有乜好講呀?????

夾硬俾人屈, 真係嬲到想喊呀 ~~~~~~~~~~~~

睇相之後我和ck開始講笑的對話: 我: 你呀？ＣＫ：你見唔到你自己咩？幾可愛呀我：最好肉嗰隻係你!....HAHA~ ＣＫ：信唔信我tag（標籤）你個名呀我：我幫你....XDDD 我再講： 加埋你2個妹和細佬上去....XDDDDDDD

而我所講的”妹和細佬”係CK的堂妹和細佬

但之後CK個細契妹見到, 佢就覺得我話梗佢, 而佢個家姐 (大契妹比她更肥)

而這個細契妹見到我和CK的對話之後, 覺得我笑梗佢, 所以在CK的相上只留下這些附號" ‎............. "

CK第二日早上見到, 立即把經常和我係FB 玩的幾個堂妹和細佬 標籤返係張相到

但我本身唔係佢契妹睇到我講的說話誤會咗, 所以我無理.

但點知星期2下午CK打電 話嚟 話我, 我話我無諗過係佢2個契妹和一個契細佬, 我講笑和玩的係佢幾個堂妹和細佬, 但佢個契妹「對號入座」我都無法, 最嬲係CK話都有諗過我會唔會係話佢3個契細佬和妹..... 嘩! 我仲唔火都嚟呀

我咪話: 你都應該知我唔係咁GA人, 但你都咁諗我 我無話可說. 之後CK再想講野, 我就立即同佢講我無野想同你講, 之後我立即收線

我嬲到好想喊, 條氣又頂住, 不停係FB 打留言嚟發洩, 而星期二當晚我無再搵CK,

星期二同CK嘈完之後再睇返張相, 佢2個堂妹就回應打: 堂妹YAN: ...點解會咁架... 堂妹CARMEN把張迷你豬相標籤我之後再講:Ah Gor, I help u, hahahahahaha!! 而我再回應佢哋:PIPI都要做隻可愛的迷你豬, 但佢只係影到個PAT PAT 咋....XDDD 哎呀~ 仲欠一個細佬喎! YAN 靠你喇....呵呵

到尋日星期三, 我本身約咗CK睇舞台劇, 我本身諗定, 如果CK唔搵我, 我唔會搵佢, 頂多我自己一個去睇舞台劇 OR 搵一個朋友陪我睇, 而星期2收工時, JENNY 開解咗我好耐....最後尋日下午, CK MSN問我點？　幾點係邊到等．．．佢雖然無電 話CALL 我, 但我好似你咁講, 俾一次機會佢,所以就照出嚟, 當無事咁, 只係冷淡D, 但出嚟時我唔俾佢拖, 佢有佢行, 我有我行,之後睇完舞台劇行去MTR時, 佢可能見我笑咗一餐, 心情好咗, 所以就講返....

CK見我心情好咗, 所以就講返.... 當日佢都諗我係同D堂妹和堂細佬玩, 而唔係話契妹(雖然CK有少少前言不對後語, 但我都算) ,之後CK再講, 星期二早上佢個細契妹打電 話俾CK 媽媽打小報告, 咁CK媽就同佢個契妹講我唔係話佢哋3個, 叫佢唔好誤會, 之後CK媽打電 話同CK講返, 咁CK咪打電 話 嘈我囉! 講真, 佢哋係肥, 但我知乜係崩口人忌崩口碗, 佢D 契妹和契細佬係我心中不值一個位, 佢D 堂妹和細佬都係直接叫CK 做"亞哥"咋!而佢個堂妹都係會直接叫我做"未來大嫂",唔會加個"堂"字. 而我一直同佢D 契妹和契細佬 都無2句, 點會同佢哋玩? 如果我係話佢哋,咁我應該指住張大笨象相話佢啦! 佢哋只由細玩到大的"契妹",但佢哋都唔係大晒囉.我唔係踩到佢條尾, 佢做乜要搞事???難度真的俾我猜中...契哥結婚了, 新娘不是「她」, 所以要作破壞??

0812~可愛的傻婆義工

12-08-2010 星期日



2天前妹和妹夫請假替天花粉色，而今天還更換牆紙。
早上十時許從門外傳來3把聲音，除了妹和妹夫外還有誰呢？
原來是他倆的中學同學、好朋友，我忽然加入的姊妹團之一BoyBoy。
她本想在上跳舞課前在大埔踏單車解悶的，但想不到出發前陪同媽早餐時會撞前我妹的。而妹得知她這麼無聊，所以捉她到來幫忙。


真心幫忙的BOY BOY ……鍚晒你

0811~魚翅轉燕窩

11-08-2010


今日去定咗晚宴菜單, 由魚翅轉咗燕窩, 希望各賓客喜歡啦!　^_^